Policia e Kosovës ka kërkuar ndihmën e qytetarëve për identifikimit dhe lokalizimin e një personi të dyshuar për veprën penale Vjedhje.

Sipas njoftimit, rasti ka ndodhur më 24 janar të këtij viti, shkruan Arbresh.info.

“Prishtinë, 12 mars 2024- Policia e Kosovës, respektivisht Stacioni policor i Graçanicës, mbështetur në autorizimin e nxjerrë nga Prokuroria Themelore – Departamenti i Përgjithshëm në Prishtinë, në pajtim me nenin 77, paragrafi 2, i KPPRK-së, dhe në harmoni me nenin 8 të KEDNJ-së, paraqet para jush fotografinë e të dyshuarit të shpallur në kërkim, i dyshuar për implikim në veprën penale; Vjedhja, konform nenit 313, të KPRK-së.”, thuhet në njoftimin e policisë.

“Me qëllim të zbatimit efikas të procedurës, në hetimin që po zhvillohet për rastin “Vjedhja” të ndodhur më 24.01.2024, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarit të shpallur në kërkim.”, njoftoi ai.

“Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë identifikimit dhe arrestimit sa më të shpejtë të të dyshuarit.”, thuhet ndër të tjera në njoftimin e policisë,./Arbresh.info/